شارپرێس:
کەمال شەحادە وەزیری ئاوارەکانی لوبنان هێرشێكى توند دهكاتهسهر حزبوڵڵاى وڵاتهكهیى بهوێرانكهر ناویان دهبات، ڕاشیدهگهیهنێت، "جبەخانەی حزبوڵڵا نهك لوبنانی نەپاراست، بەڵکو لەناویبردو وێرانی كرد".
لەچاوپێکەوتنێکدا لەگەڵ کەناڵی ئەلعەرەبیە، كهمال شهحاده وتى، "دەوڵەت لەبڕیارەکەی بۆ سنوردارکردنی چەک پاشەکشە ناکات".
جهختیكردهوه، "جبەخانەی حزبوڵڵا نهك لوبنانی نەپاراست، بەڵکو لەناویبردو وێرانى كرد، پاراستنی لوبنان لەڕێگەی دیپلۆماسییەوە دهبێت نهك جبهخانهى ئهو گروپه".
دەشڵێت:"حزبوڵڵا لەبارەی چەکەکانیەوە بێدەسەڵات بوەو ئەمەش نەبوەتە هۆی ئەوەی کە ئێمە بەئەنجامێکی ئەرێنی بگەیهنێت، بهڵام هێشتا بوار بۆ دیپلۆماسی ماوە".
لێدوانهكهى وهزیرى ئاوارهكانى لوبنان دوای ئەوەدێت، سەرچاوەکان دوێنێ چوارشەممە ڕایانگەیاندبوو، نەبیە بەری باڵی سەربازیی حزبوڵڵا، سەرۆکی پەرلەمانی ئاگادارکردوهتەوە، چەکەکانی خۆیان ڕادەستناکەن.
وهزیرهكهى لوبنان وتویهتى، "نەبیە بەری، تۆماس باراک-ى نوێنەری ئەمریکای ئاگادارکردوەتەوە، ناتوانێت بەڵێنی داماڵینی چەک بەحزبوڵڵا بدات لەباکوری لوبنان".