شارپرێس:
حەشدی شەعبی ئەمڕۆ شەممە بە هەماهەنگی لەگەڵ فەرماندەیی ئۆپەراسیۆنە هاوبەشەکان و هێزەکانی ئاسمانی عێراق، دەستیان بە ئۆپەراسیۆنێکی بەرفراوان لە پارێزگاکانی نەینەوا تا بەسرە کرد.
لەڕاگەیاندراوێکدا دەستەی حەشدی شەعبی دەڵێت، لە کاتژمێر ٦ی بەیانی و لەژێر چاودێری سەرۆکی دەستەی حەشدی شەعبی عەبدولعەزیز محەمەداوی ئوپەراسیۆن دەستی پێکردووە.
دەشڵێت، ئۆپەراسیۆنەکە لەسەر بنەمای زانیاری هەواڵگریی ورد و بە ئامانجی بەرەنگاربوونەوەی پاشماوەکانی تیرۆر لەو ناوچانە و لەناوبردنی حەشارگەکانیان و بەهێزکردنی ئاسایش و سەقامگیری ئەنجام دەدرێت.