شارپرێس:
وەزایری دارایی عێراق لەبەغدا پێشوازیکرد لە پارێزگاری بانکی ناوەندی ئێران و رایگەیاند، داخستنی گەروی هورمز کاریگەری نەرێنی لەسەر ئابوری عێراق دروستکردوە.

وەزارەتی دارایی عێراق لەڕاگەیەنراوێکدا ئاماژەی بەوەکرد،" فالح ساری، وەزیری دارایی پێشوازیکرد کە عەبدولناسڕ هیممەتی، پارێزگاری بانکی ناوەندی ئێران و محەمەد کازم ئالسادق، باڵیۆزی ئەو وڵاتە لەبەغدا ".

ئەوەشخراوەتەڕوو، لە کۆبونەوەکەدا پەیوەندییە ئابوری و داراییەکانی نێوان هەردوو ولات و هەنگاوەکانی بەرەوپێشبردنی پەیوەندییەکانیان تاوتوێکرد.

بەگوێرەی ڕاگەیەنراوەکە، هەر لەو کۆبونەوەیەدا باس لە لێککەوتەکانی داخستنی گەروی هورمز کرا، کە کاریگەری نەرێنی لەسەر کەرتی ئابوری عێراق هەبوەو هەناردەی نەوتی وڵاتەکەی راگرتوە.