شارپرێس:
لە شارەكانی ڕۆژئاوای كوردستان بۆ بەرگری لە زمانی كوردی خۆپیشاندان و گردبوونەوە بەڕێوەچوون.
لە شارەكانی كۆبانێ، قامیشلۆ، گركێ لەگێ، خەڵك ڕژانە سەر كۆڵان و شەقامەكان و بە درووشمی "زمانی كوردیمان هێلی سوورمانە" و "زمان شكۆمانە" خۆپیشاندان و گردبوونەوە و چالاكی جۆراجۆریان ڕێكخست و پێداگریی خۆیان لە خوێندن و پەروەردە بە زمانی كوردیی كرد .
ئەم خۆپیشاندانانە وەك هەڵوێستێك لە دژی بڕیارەكانی وەزارەتی پەروەردەی حكومەتی دیمەشق هات كە تێیدا خوێندن و پەروەردەی بە زمانی كوردی سنووردار كردووە بۆ سێ وانە لە هەفتەیەكدا.