شارپرێس:

سەرباری ئەوەی عەلی زەیدیی سورە لەسەر هەڵوێستەکانی لەبارەی چەککردنی گروپەکان، کەتائیبی حزبوڵڵای عێراق، سەرۆکی حکومەتی عێراقی بە پێشێلکردنی بەڵێنەکانی تۆمەتبار دەکات و دەڵێت،" بە هیچ جۆرێک دەستبەرداری چەکەکانمان و جورفوسەخر نابین ".

کەتائیبی حزبوڵڵای عێراق لە راگەیەنراوێکدا ئاماژەی بەوەکرد،" وێڕای چونی حزبوڵڵای عێراق بۆ نێو دانوستانەکانی رێکخستنی چەک و واژۆکردنی رێککەوتنی سەروەری لەگەڵ ئەندامانی چوارچێوەی هەماهەنگی و حکومەتدا، بەڵام سەرۆکی حکومەت بەڵێنەکەی شکاندوە و نوسینگەکەی لە رێگەی کەناڵە ئیماراتی، سعودی، هەندێک لە کەناڵە ناوخۆییەکان و ئەو دەنگە بەکرێگیراوانەی بەدوایاندا کەوتون راپۆرتی هەڵبەستراوی بڵاوکردوەتەوە ".

ئەوەشیخستەرووو،" هەردوو دۆسیەی ناحیەی جورفوسەخر و چەکی مقاوەمە دەبێت لە دەرەوەی ململانێی سیاسیدا بن و بە هیچ شێوەیەک لەم پرەنسیپە پاشگەز نابنەوە ".