توێژەرانی زانکۆی ڕادبود لە هۆڵەندا پێشکەوتنی گەورەیان لە بواری زانستی دەمار و زیرەکیی دەستکرددا بەدەستهێناوە بە پەرەپێدانی سیستەمێک کە دەتوانێت وێنەی چالاکییەکانی مێشک بە وردبینییەکی بێ وێنە بنیات بنێتەوە. ئەم تەکنەلۆژیایە پشت بە خوێندنەوەی بیرکردنەوەکان و گۆڕینی بۆ وێنە بە بەکارهێنانی زیرەکیی دەستکرد دەبەستێت، ئەمەش ئاسۆی نوێ بۆ چارەسەرکردنی لەدەستدانی بینین دەکاتەوە
.
تیمی توێژینەوەکە دوو توێژینەوەیان ئەنجامداوە: 
1. لێکۆڵینەوەی یەکەم: توێژەران ئامێرێکی کارایی وێنەگرتنی موگناتیسی (fMRI)یان بەکارهێنا بۆ پێوانەکردنی چالاکیی مێشکی خۆبەخشەکان لە هەمان کاتدا وێنەی دەموچاویان پیشان دەدا. زیرەکیی دەستکرد توانی ئەو وێنانە بنیات بنێتەوە کە لە نزیکەوە لە وێنە ڕەسەنەکانی چالاکیی دەماری لە قۆڵۆنی بینین دەچن.

2. لێکۆڵینەوەی دووەم: توێژەران دووبارە شیکردنەوەی داتاکانی تاقیکردنەوەکانی پێشوویان کردەوە بە بەکارهێنانی ئەلکترید کە لە مێشکی مەیموونێکی ماکاکدا چێنرابوو بۆ تۆمارکردنی چالاکییەکانی لەکاتی سەیرکردنی وێنەکاندا. ئەمجارەیان AI توانی وێنەکان بە وردبینییەکی نزیک لە تەواوەتی بنیات بنێتەوە.

ئەنجامەکان دەریدەخەن کە AI دەتوانێت بە شێوەیەکی کاریگەر فێربێت بزانێت کام بەشەکانی مێشک دەبێت سەرنجی لەسەر بێت بۆ دووبارە بنیاتنانەوەی وێنەکان. بەکارهێنانی ئەم تەکنەلۆژیایە درێژدەبێتەوە بۆ بوارە پزیشکییەکانی وەک گەڕاندنەوەی بینین و پەیوەندیکردن بۆ کەسانی خاوەن پێداویستی تایبەت، کە دەتوانێت ڕێگەی نوێی کارلێککردن و دەربڕین چالاک بکات.

توێژەران ئاماژەیان بەوە کردووە کە پێشکەوتنی خێرا لەم بوارەدا ڕەنگە ببێتە هۆی بنیاتنانەوەی سەرنجڕاکێشتری تێگەیشتن و ڕەنگە تەنانەت وێنە لە داهاتوویەکی نزیکدا.
ئامادەکردن: ئاکۆ ئاڵی