شارپرێس:
خانمی یەکەمی عێراق دەستگیرکردنی
تاوانبارێکی سەرەکیی پڕۆسەی ئەنفال ڕادەگەیەنێت و داوا لەکەسوکاری ئەنفالکراوان
دەکات سکاڵای یاسایی لەدژی تۆمار بکەن.
نوسینگەی ڕۆژنامەوانی
شاناز ئیبراهیم ئەحمەد، خانمی یەکەمی عێراق ئاماژەی بەوەکرد، عەجاج
ئەحمەد حەردان، یەكێك بوە لە سەرپەرشتیارانی زیندانی نوگرە سەلمان لە پارێزگای
سەماوە لە باشوری عێراق و ڕۆڵی هەبوە لە ئەنفالکردنی خەڵکی کوردستان، لەئێستاشدا
دەستگیرکراوە.
لەوبارەیەوە نوسینگەی خانمی یەكەمی عیراق رایگەیاندوە: "داوا لە
زیندانیكراوان و كەسوكاری زیندانیكراوان و بێسەرشوێنبووەكان دەكەین پەیوەندیمان
پێوەبكەن بۆ تۆماركردنی سكاڵا دژی ئەو تاوانبارە".
عەجاج، ناوی تەواوی عەجاج ئەحمەد حەردان تکریتییە، خەڵکی شاری تکریتی
ناوەندی پارێزگای سەلاحەدینە و لە عەشیرەتی ئەلبوناسر و هۆزی نزارە، واتە
عەشیرەتەکەی سەدام حوسێن.
محەمەد سەردار