شارپرێس:
دوای بەڕێکەوتنی کەشتیی فڕۆکەهەڵگرەکەی ئەمریکا بەرەو سنورە ئاوییەکانی ئێران، وەزارەتی دەرەوەی ئیمارات رایگەیاند، رێگە نادەن خاک و ئاسمان و سنورە ئاوییەکانیان لەدژی ئێران بەکاربهێنێت.

وەزارەتی دەرەوەی ئیمارات لەڕاگەیەنراوێکدا ئاماژەی بەوەکرد،" رێگە نادەن سنورەکانیان بۆ هەر کردەیەکی سەربازی لەدژی ئێران بەکاربهێنرێت و هیچ پاڵپشتییەکی لۆجیستی پێشکەش بە کردەوەیەکی سەربازی لەو جۆرە ناکەن ".

ئەوەشیخستەڕوو،" دوپاتیدەکەینەوە کە باوەڕمان بە پتەوکردنی لێکتێگەیشتن و کەمکردنەوەی ئاڵۆزییەکانە، هەروەها بە گرنگی دەزانین هەموولایەن پابەند بن بە یاسا نێودەوڵەتییەکان و رێز لە سەروەری وڵاتان بگرن ".

هاوکات، بەرپرسێکی باڵای ئەمریکی بە تۆڕی هەواڵی "فۆکس نیوز"ی راگەیاندوە، لەئێستادا کەشتی فڕۆکەهەڵگری ( یو ئێس ئێس ئیبراهام لێنکۆڵن) گەیشتوەتە ناوچەی بەرپرسیارێتی فەرماندەیی ناوەندی ئەمریکی لە زەریای هیندی.