شارپرێس:
بەبیانوی نەبونی
نوێنەرانی دەزگای کۆنترۆڵی جۆریی فیدراڵی لەهەردوو فڕۆکەخانەی نێودەوڵەتی هەولێر و
سلێمانی، دەسەڵاتی فڕۆکەوانیی مەدەنیی عێراق گواستنەوەی زێڕ و مۆبایلی لەڕێی ئەو
دوو فڕۆکەخانەیەوە قەدەغەکرد.
بەشی گواستنەوەی
ئاسمانیی سەربە دەسەڵاتی فڕۆکەوانیی مەدەنی عێراق لەنوسراوێکدا
داوا لە سەرجەم کۆمپانیاکانی فڕۆکەوانی دەکات
کە نابێت زێڕ و مۆبایل لە رێگەی فڕۆکەخانەی
هەولێر و سلێمانی بگوازنەوە.
بەپێی نوسراوەکە،
نابێت زێڕ، مۆبایل و سەرجەم ئامێرەکانی تەکنەلۆژیای زانیاری لە رێگەی گواستنەوەی
ئاسمانی و کارگۆوە بۆ هەردوو فڕۆکەخانەی هەولێر و سلێمانی بگوازرێنەوە.
لە نوسراوەکەدا ئەوەش هاتوە،" ئەم بڕیارە بەهۆی نەبونی نوێنەرانی دەزگای
کۆنترۆڵی جۆریی فیدراڵی لەو دوو فڕۆکەخانەیە دراوە، کە کاری پشکنین و مۆرکردنی زێڕی
هاوردەکراو بکەن، هۆکاری دوەمیش بریتییە لە نەبونی رەزامەندیی فەرمیی سەبارەت بە
ئامێرەکانی مۆبایل و تەکنەلۆژیای زانیاری کە لەلایەن دەستەی راگەیاندن و گەیاندنەوە
دەردەچن ".