شارپرێس:
ڕۆژی پێنجشەممە ئیسرائیل زنجیرەیەك هێرشی ئاسمانی ئەنجامدا بۆ سەر دۆڵی بیقاع لە ڕۆژهەڵاتی لوبنان.
هێرشەكان ناوچەكانی ڕۆژئاوای بەعلبەكیان كردە ئامانج بەتایبەت ناوەندی شارۆچكەی شەمشتار و بەرزاییەكانی بودای و حەربتا لە دۆڵی بیقاع.
سەرچاوەكان باس لە هێرشی ئاسمانی چڕ و یەك لە دوای یەك بۆ سەر ناوچەی شاخاوی رۆژهەڵاتی لوبنان و ناوجەرگەی چەند شارۆچكەیەكی ناوچەی بەعلبەك دەکەن.
سوپای ئیسرائیل ڕایگەیاند كە هێرش دەكاتە سەر پێكهاتەكانی سەر بە هێزی ڕەزوانی حزبوڵڵا لە ناوچەی بەعلبەك لە لوبنان.
دانیشتوانی ناوچەكە هێرشە ئاسمانییەكانیان بە " پشتێنەی ئاگر" وەسف كردووە كە بە دوو شەپۆل لە چەند ناوچەیەكدا ئەنجامدراوە.