شارپرێس:

دوای ئەوەی باڵیۆزخانەی ئەمریکا لەبەغدا رایگەیاند کە بەشێک لە فەرماندەی گروپە چەکدارەکان بەڵگەنامەی فەرمییان هەیە کە فەرمانبەری حکومەتی عێراقن، وەزارەتی دەرەوەی عێراق هاتەدەنگ و دەڵێت، عێراق بەشێک نییە لەو شەڕەی لە ناوچەکەدا هەڵگیرساوە.

وەزارەتی دەرەوەی عێراق لەڕاگەیەنراوێکدا ئاماژەی بەوەکرد،" حکومەتی عێراق جەختدەکاتەوە کە هەندێک لایەن پێچەوانەی راسپاردەکانی دەوڵەت رێکاری تاکلایەنە دەگرنەبەر و پێگە و پۆستەکانیان بۆ کارێک بەکاردەهێنن کە گوزارشت بە سیاسەتی فەرمی وڵات ناکات ".

ئەوەشیخستەڕوو، ئەو هەڵسوکەوتە تاکلایەنانەی لەلایەن کۆمەڵێک گروپە ئەنجامدەدرێن، دەرچون لە یاسا و بەهیچ جۆرێک پەیوەندییان بە حکومەتی عێراق و دامەزراوەکانییەوە نییە.

وەزارەتی دەرەوە باسی لەوەشکرد، عێراق نایەوێت ببێتە بەشێک لەو شەڕە، سەرباری ئەوەی یەکێکە لەو وڵاتانەی زۆرترین کاریگەری ئەمنی و ئابوری و سیاسی بەسەریەوە هەبوە .