شارپرێس

وەزارەتی دەرەوەی ئیسرائیل رایگەیاند، ئەو چالاکوانانەی، کە لە ناو کەشتی مادلین بوون و دەیانویست هاوکارییەکان بگەیەنن بە غەززە دیپۆرتی وڵاتەکەیان دەکرێنەوە.

لە تۆڕی کۆمەڵایەتی ئێکس، وەزارەتی دەرەوەی ئیسرائیل بڵاویکردەوە، وڵاتەكەمان ئەو چالاکوانانەی، کە لە ناو کەشتی مادلین بوون و دەیانویست هاوکارییەکان بگەیەننە غەزە دیپۆرت دەکاتەوە.

ئاماژە بەوەشکراوە، کەشتی هاوپەیمانی فیلۆی، دەیویست هاوکاری بگەیەنێتە کەرتی غەزە و دوێنێ 9ـی حوزەیران لەلایەن ئیسرائیلەوە دەستی بەسەردا گیرا و 12 چالاکوان دەستبەسەرکران و کەشتیی مادلین لەلایەن کەشتییە جەنگییەکانی ئیسرائیلەوە برایە بەندەری ئاشدۆدی ئیسرائیل.

کەشتی مادلین هاوکارییەکی مرۆیی زۆری پێبووە بۆ ئەوەی بیگەیەنێت بە کەرتی غەزە، بەڵام لەلایەن ئیسرائیلەوە دەستی بەسەردا گیرا و ئەوەش ناڕەزایەتییەکی زۆری لێکەوتەوە.