دوای ڕاگەیاندنی شکستی دانوستانی ئاگربەست لەغەززە.. ئیسرائیل هەڵسەنگاندن بۆ سێ بژاردە دەکات

جیهان

26/07/2025‌ 4997 جار خوێندراوه‌ته‌وه

شارپرێس:

شرۆڤەکارو لێکۆڵەرێکی سەربازیی لەکەناڵی i24NEWSی ئیسرائیلی دوای ڕاگەیاندنی شکستی دانوستانەکانی دەوحە لەپێناو گەیشتن بەئاگربەست‌و ئازادکردنی بارمتە ئیسرائیلییەکان، سێ پێشنیازی خستوه‌تە بەردەم حکومەتی ئەو وڵاتە.


یۆسی یەهۆشوع شرۆڤەکارو لێکۆڵەری سەربازیی لەکەناڵی i24NEWS بەزمانی عیبری، لەکۆبونەوەی کابینەی حکومەتی ئیسرائیل ڕایگەیاند، "چاوەڕواندەکرێت سوپای ئیسرائیل سێ سیناریۆی سەرەکیی پێشکەش بەحکومەتی ئەو وڵاتە بکات ئەوانیش: ڕێککەوتن لەکۆتاییدا، گەمارۆدانی غەززەو داگیرکردنی کەرتی غەززە."

لەکۆتاییدا گەیشتنە ڕێککەوتن، واتە ڕاگرتنی تەواوەتی شەڕو پێکدادانەکان، لەئەگەری گەیشتن بەڕێککەوتن.

سەرۆکی ئەرکانی سوپا  پێشنیازیکردوە بەگەمارۆدانی شاری غەززەو کەمپە ناوەندییەکان، گوشارخستنەسەر حەماس لەدەرەوە، خەسارپێکەوتن بەهۆی هێرشی ئاسمانییەوەو کاریگەریدانان بۆ گوشارخستنەسەر حەماس.

داگیرکردنی کەرتی غەززە، ئەمە هەنگاوێکی بەرفراوانە کە بریتییە لەچونە ژورەوەی هێزەکان بۆ غەززەو کەمپە ناوەندییەکان، واتای ئەوەیە: مەترسییەکی ڕاستەقینە لەسەر ژیانی بارمتەکان، گەڕانەوەی ئەو هێزانەی پێشتر ئازادکرابون، لەوانە لیوای پەره‌شوانه‌کان‌و لیواکانی کۆماندۆس، جگەلەوەی کێشەیەکی ئەخلاقیی سەخت بۆ کابینەی حکومەتی ئیسرائیل دروستدەکات.

بەپەلە