عه‌لی حه‌مه‌ساڵح: منداڵی به‌رپرسی هه‌رێم هه‌یه‌ خاوه‌نی هه‌شت ملیار دۆلاره‌

کوردستان

31/07/2025‌ 718 جار خوێندراوه‌ته‌وه

شارپرێس:
عەلی حەمەساڵح ڕایدەگەیەنێت، هه‌مو دنیا باسی سه‌رمایه‌كه‌ی دۆناڵد تره‌مپ ده‌كات شه‌ش ملیار دۆلاری هه‌یه‌، بەڵام منداڵی به‌رپرسی هه‌رێم هه‌یه‌ خاوه‌نی هه‌شت ملیار دۆلاره‌.


عه‌لی حه‌مه‌ساڵح، بڕیارده‌ری ڕه‌وتی هه‌ڵوێست  ئاماژەی بەوەکرد،" كوڕی به‌رپرسه‌كانی هه‌رێمی كوردستان كه‌ناڵی ئاسمانی، زانكۆ، پڕۆژه‌ی نیشته‌جێبون و ملیاران دۆلاریان هه‌یه‌ ".

ئەوەشیخستەڕوو، منداڵی بەرپرس هەیە زه‌ویان داوه‌تێ كه‌ 13 ملیۆن مه‌تره‌ ته‌نها به‌های ئه‌و زه‌ویه‌ شه‌ش ملیار دۆلاره‌".

عەلی حەمەساڵح باس لەوەشدەکات،" هه‌مومان ده‌توانین كه‌ سه‌دان خانه‌واده‌ ڕیز بكه‌ین كه‌ نان نیه‌ بیخۆن به‌ڵام ئێستا نه‌ك خۆیان به‌ڵكو منداڵه‌كانیان ملیاران دۆلاریان هه‌یه‌، منداڵه‌كانیان پاڵه‌وگه‌ی نه‌وتیان هه‌یه‌ كه‌ به‌هاكه‌ی دو ملیار دۆلاره‌، واتا 200 هه‌زار ده‌فته‌ر، منداڵێكی ته‌مه‌ن 21 ساڵ خۆی ده‌ڵێت كه‌ برازای سه‌رۆكی حكومه‌ته‌".

محەمەد سەردار