شارپرێس:

فەرماندەی پۆلیسی ئێران رایدەگەیەنێت، ئەو خۆپیشاندەرانەی بەبێ مەبەست تێوەگلابون لە کاری تێکدەری، ئەگەر لە ماوەی سێ رۆژدا خۆیان رادەست بکەن، بە تێکدەر هەژمار ناکرێن و سزاکەیان کەمدەکرێتەوە.

ئەحمەد رەزا رادان، فەرماندەی پۆلیسی ئێران بە میدیای فەرمی وڵاتەکەی راگەیاند،" ئەو گەنجانەی هەڵخەڵەتێنران و بەبێ مەبەست تێوەگلان لەکاری تێکدەری لە خۆپیشاندانەکاندا، وەک سەربازی دوژمن هەژمار ناکرێن و سێ رۆژ مۆڵەتیان هەیە خۆیان رادەست بکەن، بەپێچەوانەوە لە دوای ئەو وادەیەوە سزاکەیان قورس دەبێت.

پێشتر، دەسەڵاتدارانی ئێران هەریەک لە ئەمریکا و ئیسرائیلیان بە پاڵپشتیکردنی خۆپیشاندانەکانی ئەو وڵاتە تۆمەتبار کردبوو.