شارپرێس:
بەهۆی پێشبینییەکان بۆ هاتنی شەپۆلێکی سەرما و دابەزینی پلەکانی گەرما، پارێزگاری هەولێر بڕیاریدا دەوامی سبەینێی خوێندنگەکانی سنوری پارێزگاکە رابگیرێت.

نووسینگەی پارێزگاری هەولێر لەڕاگەیەنراوێکدا ئاماژەی بەوەکرد،" دوای کۆبونەوەی ئەمشەوی پارێزگاری هەولێر لەگەڵ قائیمقامەکان و بەڕێوەبەری گشتی پەروەردەی هەولێر، سەبارەت بەو شەپۆلە بەفر و باران بارین و سەرما و سۆڵەی ڕوی لە ناوچەکە کردوە، بڕیاردرا سبەی سێشەممە 2026.1.20، تەنها لە ناوەندەكانی خوێندنی حكومی و ناحكومی سەربە بەرێوەبەرایەتی گشتیی پەروەردەی هەولێر پشووبێت ".

ئەوەشیخستەڕوو، ئەو بڕیارە لەپێناو پاراستنی سەلامەتی تەندروستی قوتابییان دراوە.

پێشتر، لە سلێمانی و گەرمیان و چەند شوێنێکی دیکەش بەهەمان رۆژ راگرتنی دەوام راگەیەنرابوو.