شارپرێس:
وتەبێژی وەزارەتی دەرەوەی ئێران، ئیسماعیل بقایی، بەیانی ئەمڕۆ یەکشەممە ڕایگەیاند کە دانوستانەکانی نێوان ئێران و ئەمریکا لە ئیسلام ئاباد کۆتایییان هات و لایەنەکان گەیشتنە تێگەیشتن.

 
بەقایی ئاماژەی بەوەکردووە کە لەسەر زنجیرەیەک پرس ناکۆک بوون، بەڵام بەهۆی بوونی جیاوازیی قووڵ لە دیدگاکاندا سەبارەت بە 2 بۆ 3 بابەتی گرنگ، گفتوگۆکان نەگەیشتنە ڕێککەوتنی کۆتایی.

بەقایی ئاماژەی بەوە کردووە کە لەم خولەدا 10 خاڵەکەی ئێران و داواکارییەکانی لایەنی ئەمریکی تاووتوێ کراون و جەختی کردەوە کە ڕێگەی دیپلۆماسیی هەمیشە وەک ئامرازێکی بنەڕەتیی بۆ پاراستنی بەرژەوەندییە نیشتمانییەکان کراوە دەمێنێتەوە.

وتەبێژەکە ڕوونیکردەوە کە ئەم گفتوگۆیانە پاش 40 ڕۆژ لە جەنگ و لە کەشێکی پڕ لە بێمتمانەیی و گومانی بەرامبەر بەڕێوەچوون، بۆیە پێشبینی نەدەکرا لە یەک دانیشتندا ئەنجامێکی یەکلاکەرەوە بەدەست بێت.

هەروەها جەختی لە ئاڵۆزیی بابەتەکان کردووە و ڕایگەیاند کە پرسگەلی نوێ و هەستیار وەک دۆخی گەرووی هورمز بۆ یەکەمجار بۆ دانوستانەکان زیادکراون.