شارپرێس:

نزار ئامێدی سەرۆک کۆماری عێراق لەبەغدا پێشوازیکرد لە قوباد تاڵەبانی جێگری سەرۆک وەزیرانی هەرێم و دوایین پێشهاتەکانی ناوچەکە و پەیوەندییەکانی نێوان هەرێم و عێراقیان تاوتوێکرد.

نوسینگەی سەرۆکایەتی کۆماری عێراق بڵاویکردوەتەوە، لەکۆبونەوەکەدا کە لەکۆشکی سەلام بەڕێوەچوو، دوایین پێشهاتەکانی پەیوەست بە دۆخی ناوخۆیی و ناوچەکە تاوتوێکراوە، هەروەها جەختکرایەوە لەسەر بەردەوامی گفتوگۆکان و هەماهەنگییەکانی نێوان هەردوو حکومەتی فیدراڵ و هەرێمی کوردستان، بۆ ئەوەی پاڵپشتی رێڕەوی لێکتێگەیشتنەکان و هەماهەنگی بکرێت.

بەپێی راگەیەنراوەکە، سەرۆک کۆمار گرنگی بەردەوامبونی لێکتێگەیشتنرکان و گفتۆگۆی بەرپرسیارانەی رونکردەوە، بەوپێیەی متمانە لەنێوان هەردولا زیاد دەکات و ژینگەیەکی لەبار بۆ چارەسەرکردنی کێشە هەڵپەسێردراوەکان دەڕەخسێنێت.