شارپرێس:
ئیال زامیر سەرۆكی ئەركانی سوپای ئیسرائیل رایگەیاند: ئامادەین ئەگەر پێویست بكات بە خێرایی ئۆپەراسیۆنەكان لە هەردوو وڵاتی لوبنان و ئێران دەستپێبكەینەوە.
زامیر سەبارەت بە حیزبوڵا وتی، "حیزبوڵا ماندوو بووە، چەكدارەكانیشی لەژێر زەویدا گیریان خواردووە، هێزەكانمان كۆنترۆڵی ناوچەكەیان كردووە و لە ئامادەباشییەكی بەرزدان بۆ دەستپێكردنی هێرشی خێرا".
سەبارەت بە ڕێككەوتن لەگەڵ لوبنان، ئاماژەی بەوەشكرد، "دەمەوێت پێزانینی قووڵی خۆم بۆ لیواكان و فیرقە و فەرماندەیی باكور دەرببڕم بۆ دەستكەوتەكانیان و بۆ سەركردایەتیكردنی ئەو هەنگاوانەی كە لە ئەنجامدا ئەم ڕێككەوتنەیان لێكەوتەوە".
هەروەها ئاماژەی بەوەكرد، "ئەو ڕێككەوتنەی لەگەڵ حكومەتی لوبنان واژۆ كراوە مێژوویی و بەرچاوە. هێزی ئۆپەراسیۆنی و دەستكەوتە سەربازییەكانی ئیسرائیل لە چەند مانگی ڕابردوودا هەلومەرجی بۆ ئەمە ڕەخساندووە. ئێمە پابەندی ڕێككەوتنەكە دەبین و كار بۆ دەستەبەركردنی سەركەوتنەكەی دەكەین. تاقیكردنەوەی رەوشەكەش ئێستا كردەوەی هەردوولایە، و قۆناغی داهاتوو ڕێڕەوی داهاتوو دیاری دەكات".