شارپرێس:
فەریقى یەکەمى ڕوکن عەبدولئەمیر شەمەری وهزیرى پێشوى ناوخۆى عێراق، وەک بەڕێوەبەری نوسینگەی فەرماندەی گشتیی هێزه چهكدارهكانى عێراق دهستبهكاربوو.
قاسم ئەعرەجی ڕاوێژکاری ئەمنیی سەرۆکی ئەنجومەنی وەزیرانی عێراق لهفهیسبوكى خۆى نوسیویهتى، "ئەمڕۆ پێنجشەممە دیدارم لەگەڵ فەریقى یەکەمى ڕوکن عەبدولئەمیر شەمەری ئهنجامداو پیرۆزبایى پۆستى نوێم لێكرد كه وهك بەڕێوەبەری نوسینگەی فەرماندەی گشتیی هێزە چەکدارەکانى عێراق دهستبهكاربوه".
ئهعرهجى ئاماژهى بهوهشكردوه، لەدیدارەکەدا، چەندین دۆسیەی ئەمنیی گرنگو هەستیار لەسەر ئاستی وڵات تاووتوێكرانو گفتوگۆ لەسەر میکانیزمەکانی بەرزکردنەوەی ئاستی هەماهەنگی نێوان لایەنە پەیوەندیدارەکان کراوه، بەجۆرێک کە پەرە بەپاراستنی ئاسایشو سەقامگیری گشتیی بدات.
جهختیش لهسهرئهوه كرایهوه، بەدواداچونی بەردەوام بكرێت بۆ جێبەجێکردنی تەواوی ئاڕاستەو ڕێنماییەکانی فەرماندەی گشتیی هێزە چەکدارەکان، بەئامانجی خزمەتکردن بەبەرژەوەندیی نیشتمانیو بەرزکردنەوەی کارامەیی کارکردنی دەزگا ئەمنییەکان.