شارپرێس:

عەلی زەیدیی و مەسعود پزیشکیان لەتاران چوار رێککەوتنیان لە چەند بوارێکی جیادا واژۆکرد، یەکێکیان بریتییە لەدروستکردنی هێڵێکی ئاسنین کە لەشاری کرماشانی رۆژهەڵاتی کوردستانەوە دەستپێدەکات و بەناو خانەقیندا تێپەڕدەبێت، لەکۆتا خاڵیشدا شەمەندەفەرەکە دەگاتە بەغدای پایتەختی عێراق.

نوسینگەی سەرۆک وەزیرانی عێراق بڵاویکردەوە، عەلی زەیدیی سەرۆک وەزیرانی عێراق و مەسعود پزیشکیان لەشاری تارانی پایتەختی ئێران چوار رێککەوتنیان واژۆکرد، کە ئامانج لێیان زیادکردنی هەماهەنگیی و هاوبەشییەکانی نێوان هەردوو وڵاتە.

بەپێی راگەیەنراوەکە، رێککەوتنەکان بریتین لەمانە:

1- رێککەوتنی گواستنەوەی نێودەوڵەتی کەلوپەل لەرێی وشکانییەوە

2- یاداشتی لێکتێگەیشتنی دروستکردنی هێڵی ئاسنینی کرماشان – خوسرەوی – خانەقین – بەغدا.

3- یاداشتی لێکتێگەیشتنی هەماهەنگی نێوان ئەمیندارێتی بەغدا و شارەوانی تاران
.
4- یاداشتی لێکتێگەیشتن لە بواری کارگێڕی حکومەت و ڕاهێنانی سەرچاوە مرۆییەکان