شارپرێس:
جێگری سەرۆكی ئەمریكا ئاشكرایكرد ئێران پەیوەندی پێوەكردون و پێیوتون ڕێگا بەتێپەڕینی كەشتییەكان دەدەن.
جەی دیڤانس بۆ كەناڵی فۆكس نیوز وتی: ئێرانییەكان ئازاریان هەیە و دەیانەوێت ئەمە كۆتایی پێبێت، ئیدارەی ئەمریكا كار لەسەر پلانێك دەكات بۆ دڵنیابوون لە تێپەڕبوونی سەلامەتی كەشتییەكان بەناو گەرووەكەدا.
ڕونیشیكردەوە كە پلانەكە پابەندبوونی ئێرانی لەخۆگرتووە كە كەشتییە بازرگانییەكان نەكاتە ئامانج و دەڵێت "ئێمە كار لەسەر پلانێك دەكەین بۆ تێپەڕبوونی سەلامەتی كەشتییەكان و ئەمە پابەندبوونی ئێرانیش دەگرێتەوە كە تەقە لە كەشتییە بازرگانییەكان نەكات".
ناوبراو لە درێژەی قسەكانیدا وتی: ئێمە پێشبینی دەكەین ڕۆیشتنی نەوت و گاز لە كەنداوەوە بە هەمان ئاستەكانی پێش ململانێكان بەردەوام بێت، ئەوە ئێرانییەكان پێیان ڕاگەیاندووین، بەڵام متمانەمان پێی نییە پشتڕاستی دەكەینەوە.