شارپرێس:


بارەگاى خاتەمولئەنبیا بڵاوىکردەوە، زانیاریان هەیە کە ئەمریکا لەپلانیدایە بە هاوکاری چەند وڵاتێکی ناوچەکە دەست بە هێرش بکاتەوە، هۆشداریش بەو وڵاتانە دەدات کە هاوکاری ئەمریکا دەکەن لەو هێرشانە و دەڵێت، ئیتر ناتوانن چاوەڕێی دانبەخۆداگرتنی ئێران بکەن.

بارەگاى خاتەمولئەنبیا لەڕاگەیاندراوێکدا ئاماژەی بەوەکرد،" ئەمریکا بڕیاریداوە بە رەزامەندی و گڵۆپی سەوزی هەندێک لە وڵاتانی ناوچەکە و لە رێگەی کۆبونەوەیەکی هاوبەشەوە لە یەکێک لە وڵاتانی ئەوروپا، هێرش دژی ئێران دەستپێبکاتەوە ".

ئەوەشیخستەڕوو،" هۆشداری توند دەدەینە ئەمریکا، ئەگەر هەر هەڵەیەک دژی ئێران بکەن.، ئەوا سەرجەم بنکە و بارەگاکانیان لە ناوچەکەدا دەکەینە ئامانجی هێرشی بەردەوام ".

تاران هۆشدارییەکیشی ئاراستەی وڵاتانی ناوچەکە کرد و وتی،"  هەر وڵاتێک پشتگیری لە دەستدرێژییەکانی ئەمریکا دژی ئێران بکات، ئەوا بە هاوبەش و تێوەگلاو لەو کارە ئەژمار دەکرێت و ناتوانێت چاوەڕوانی لەخۆبردویی یان نەرمونیانی لەلایەن ئێرانەوە بێت ".

هاوکات، دۆناڵد ترەمپ، سەرۆكی ئەمریكا ڕایگەیاند، "شتێكی گەورە" ڕەنگە زۆر بە زویی سەبارەت بە ئێران ڕوبدات.