شارپرێس:

وەزارەتی دەرەوەی تورکیا لەبارەی خۆپیشاندانەکانی هاوڵاتییانی تورکمانی ناحیەی پردێی سەر بە پارێزگای کەرکوک هاتەدەنگ و دەڵێت، سەقامگیری کەرکوک کاریگەری لەسەر دۆخی تەواوی عێراق دەبێت.

وەزارەتی دەرەوەی تورکیا لەڕاگەیەنراوێکدا ئاماژەی بەوەکرد، پەراوێزخستنی پێکهاتەی تورکمان لەپۆستە ئیدارەییەکانی ناحیەی پردێ دەبێتە هۆی بێهیوایی گەلی تورکمان لەعێراقدا.

ئەوەشیخستەڕوو،" بەوردی و هەستیارییەوە چاودێری دۆخی کەرکوک دەکەین و داواکاری سەرەکیمان ئەوەیە بەشێوەیەکی گونجاو ڕۆڵ بە تورکمانەکان بدرێت لەبواری سیاسیدا ".

وەزارەتی دەرەوەی تورکیا باسی لەوەشکرد، سەقامگیری و ئارامی کەرکوک گرنگییەکی زۆری بۆ سەقامگیری تەواوی عێراق دەبێت.

محەمەد سەردار