ئەمریکا: بەبێ ڕەزامەندی ئیسرائیل دەوڵەتی فەڵەستین دروست نابێت

جیهان

01/08/2025‌ 250 جار خوێندراوه‌ته‌وه

شارپرێس:
وەزیری دەرەوەی ئەمریکا ڕایدەگەیەنێت، بڕیارەکەی بەشێکی وڵاتانی ئەوروپا بۆ داننان بە دەوڵەتی فەڵەستیندا هیچ كاریگه‌رییەکی نابێت ئەگەر ئیسرائیل بەو بڕیارە ڕازی نەبێت.

مارکۆ ڕوبیۆ، وەزیری دەرەوەی ئەمریکا له‌ چاوپێكه‌وتنێكدا لەگەڵ فۆکس ڕادیۆ ئاماژەی بەوەکرد،" هیچکام لەو وڵاتانەی بڕیاریانداوە دانان بە دەوڵەتی فەڵەستین بنێن، توانای دروستکردنی ئەو دەوڵەتەیان نییە، تا ئیسرائیل ڕازی نەبێت ".

وەزیری دەرەوەی ئەمریکا وتیشی،" ئەو وڵاتانەی دان بە دەوڵەتی فەڵەستین دەنێن، لەگەڵ حەماس کار دەکەن ".

لە پەیامەکەیدا بۆ وڵاتانی ئەوروپا، ئەوەشیخستەڕوو،" لە کۆتاییدا لایەنگری حەماس لایەنگری دەوڵەتی فەڵەستینە، واتە ئێوە خەڵاتێکیان پێدەبەخشن''.

محەمەد سەردار