شارپرێس:
نێچیرڤان بارزانی، سەرۆکی هەرێمی کوردستان و مەزڵوم عەبدی، فەرماندەی گشتیی هەسەدە لە هەولێر کۆبونەوە و دوایین پێشهاتەکانی رۆژئاوای کوردستان و مه‌ترسی و هه‌ڕه‌شه‌کانی سه‌رهه‌ڵدانه‌وه‌ی داعشیان تاوتوێکرد.

سەرۆکایەتیی هەرێمی کوردستان لەڕاگەیەنراوێکدا دەڵێت، نێچيرڤان بارزانى جەختی لە به‌رده‌واميى هه‌وڵ و په‌يوه‌ندييه‌كانى له‌گه‌ڵ هه‌موو لايه‌نه‌ په‌يوه‌نديداره‌كان بۆ به‌رده‌وامیی ئاگربه‌ست و راگرتنى گرژييه‌كان و ده‌ستپێکردنه‌وه‌ی ده‌ستبه‌جێی گفتوگۆ له‌نێوان هه‌سه‌ده‌ و دیمه‌شقدا کرده‌وه‌ ".

ئەوەشخراوەتەڕوو،" گرنگيى دابینکردن و پاراستنى مافه‌كانى كورد و ته‌واوى پێكهاته‌كانى له‌ سووريایه‌کی یه‌کگرتوودا دووپات كرده‌وه‌".

بەگوێرەی راگەیەنراوەکەی سەرۆکایەتیی هەرێمی کوردستان ، مه‌زڵوم عه‌بدى سوپاس و پێزانينى بۆ رۆڵ و پشتگيريى نێچيرڤان بارزانى و هه‌رێمی کوردستان و هه‌وڵه‌كانیان بۆ هێوركردنه‌وه‌ى دۆخه‌كه‌ و چاره‌سه‌ركردنى كێشه‌كان ده‌ربڕى، هه‌روه‌ها جه‌ختی له‌سه‌ر ئاماده‌یی و خواستیان بۆ چاره‌سه‌رکردنی ئاشتییانه‌ی کێشه‌کان له‌سه‌ر بنه‌مای دابینکردنی مافه‌کانی گه‌لی کورد له‌ سووريایه‌كى يه‌كگرتوودا دووپات کرده‌وه‌.

ئەوەشخراوەتەڕوو، مه‌ترسی و هه‌ڕه‌شه‌کانی سه‌رهه‌ڵدانه‌وه‌ی داعش و کاریگه‌رییان به‌سه‌ر ئاسایش و سه‌قامگیریی سووریا و ناوچه‌که‌ به‌گشتی، ته‌وه‌رێكى ديكه‌ى كۆبوونه‌وه‌كه‌ بوو.