شارپرێس:
تەندروستیی جەستە تەنیا لە ژماردنی كالۆری و دابەزاندنی كێشدا كورت نابێتەوە، بەڵكو پەیوەندییەكی ڕاستەوخۆی بە هاوسەنگیی ژینگەی ناوەوەی ڕێخۆڵەكانەوە هەیە، ڕەنگە نەهێشتنی تەواوەتیی شەكر لە ژەمە خۆراكییەكاندا وەك هەنگاوێكی تەندروست دیار بێت، بەڵام توێژینەوە نوێیەكان ئاماژە بەوە دەكەن كە ئەم ڕەفتارە ڕەنگە زیانی زیاتر بێت لە قازانج.
بەكاربردنی شەكری زۆر بە ڕوونی بەشدارە لە بڵاوبوونەوەی قەڵەویی و شەكرەی جۆری 2، بەڵام هەوڵدان بۆ گەیشتن بە سفر شەكری ڕەها، زیان بە كۆئەندامی هەرس دەگەیەنێت.
لە تاقیكردنەوەكاندا دەركەوتووە كە بەكارهێنانی سیستەمێكی خۆراكیی زۆر توند و بەتاڵ لە شەكر، دەبێتە هۆی تێكچوونی میتابۆلیزم، باڵانسی هۆرمۆنەكان و لاوازبوونی توانای جەستە لە مامەڵەكردن لەگەڵ گلوكۆزدا، ئەگەرچیش كەسەكە كێشی زیاد نەكات.
هۆكاری ئەم دیاردەیە دەگەڕێتەوە بۆ بەكتریا سوودبەخشەكانی ناو ڕێخۆڵە. ئەم بەكتریایانە پێویستیان بە بڕێكی گونجاو لە شەكرە سادەكان و كاربۆهێدرات هەیە تا بەرهەمی كیمیاییی ژیاریی دروست بكەن و تەندرووستیی روپۆشی ڕێخۆڵە بپارێزن ، بەرهەمهێنانی هۆرمۆنەكانی ئارەزووی خواردن و ئینسۆلین ڕێكبخەن، و سیستەمی بەرگری بەهێز بكەن.
كاتێك شەكر بە تەواوی لادەبرێت، بەكتریای سوودبەخش لەناو دەچێت و بەكتریای زیانبەخش جێگەی دەگرێتەوە، ئەمەش دەبێتە هۆی تێكچوونی دیواری ڕێخۆڵە و دەرچوونی ماددە ژەهراوییەكان بۆ ناو خوێن كە هەوكردنی توند لە جەستەدا درووست دەكات.
كەمكردنەوەی شەكر بۆ ئەو كەسانەی خۆراكی پڕ لە چەوریی دەخۆن گرنگە، بەڵام سڕینەوەی بە تەواوی مەترسیدارە. لەبری سڕینەوەی ڕەهای خۆراكەكان، پێویستە جەخت لەسەر دابینكردنی خۆراكی هەمەجۆر و هاوسەنگ بۆ جەستە بكرێتەوە.