شارپرێس:
لۆنێل مێسی، ئەستێرەی تۆپی پێی ئەرجەنتینی ڕایدەگەیەنێت، یاری داهاتوی هەڵبژاردەی ئەرجەنتین بەرامبەر بە هەڵبژاردەی ڤەنزەوێلا، کۆتا یاری دەبێت لەگەڵ هەڵبژاردەکەی.

ماڵپەڕی "مۆندۆ ئالیبسیلسیتی"ی ئەرجەنتینی بڵاویکردەوە، دوای بردنەوەی یانەی ئینتەر میامی ئەمریکی بەرامبەر بە یانەی ئۆرلاندۆ، مێسی بە ڕۆژنامەنوسانی وت،" یاری داهاتوی هەڵبژاردەکەم بەرامبەر بە ڤەنزەوێلا یارییەکی تایبەت دەبێت، چونکە کۆتا یاریم دەبێت لەگەڵ ئەرجەنتین ".

ئەوەشیخستەڕوو،" نازانم دوای ئەو یارییە، یاری دیکەی دۆستانەمان دەبێت یاخود نا، بەڵام یارییەکەی ڤەنزەوێلا زۆر تایبەت دەبێت بۆ من، بۆیە خانەوادەکەم لەگەڵم دەبن ".

ئەمەش لەکاتێکدایە، لەئێستادا لۆنێل مێسی تەمەنی 38 ساڵە و بڕیارە ڕۆژی 4ی 9ی 2025، هەردوو هەڵبژاردەی ئەرجەنتین و ڤەنزەوێلا لەمیانەی یارییەکانی پاڵاوتنی گەیشتن بە مۆندیالی 2026، ڕوبەڕوی یەکتر ببنەوە.