شارپرێس:
سەنتەری میترۆ لەپەیامێكدا ڕایگەیاند، كارەساتی لافاوەكەی چەمچەماڵ و كەلارو ناوچەكانی تری گەرمیان، بۆنەیەك نیین بۆ دەخستنی ڕقی سیاسی و ململانێی نێوان هێزە سیاسییەكان و دەشڵێت، دەبێت میدیا جیاوازی بكات لەنێوان هاوپشتی لێقەماوان و بانگەشەی سیاسی و حزبی.
سەنتەری میترۆ، لەبڵاوكراوەیەكدا دەڵێت، كاری میدیا لەكاتی كارەسارەساتی وەك لافاو، پێدانی زانیاریییە لەسەر گۆڕانكارییەكانی كەشوهەوای ناوچەكە، ڕێڕەوەكانی لافاوەو مەترسی سەرهەڵدانەوەی، هۆشیاركردنەوەی كردنەوەی هاوڵاتیان لەمەترسییەكانی هەروەها ئاسانكاری پەیوەندی نێوان هاوڵاتیان و دەزگای ڕەسمی و ڕێكخراوە خێرخوازەكان، دەستنیشانكردنی پێداویستییەكانی خەڵكی زیان لێكەوتوو، نەك گوتاری سیاسی بێزاركەرو دوبارەی سەردەمی بانگەشەكانی هەڵبژادن.
سەنتەری میترۆ جەختدەكاتەوە بەكارهێنانی ئەم كارەساتە مرۆییە بۆ قازانجی حزبی یان ئەجیندای سیاسی، تەنیا پێشێلكردنی ئەخلاقی ڕۆژنامەوانی نییە، بەڵكو بێ بایەخكردنی ئازارەكانی خەڵكی لێقەوماوە كە قوڕو لیتەی لافاوەكە ژیانی گەمارۆ داون، شەرم بكەن.
هەروەها داوا دەكات، حكومەت بەبەرپرسیارێتی تەواوی خۆی هەستێت، بەتایبەتیش كە پێشبینی شەپۆلی تری بارانی بەخوڕ دەكرێت، ئێستا كاتی خۆدیزنەوەو پاساو نییە، كاری موزایەداتی سیاسی نییە، كاتی كاری مەیدانی و هەماهەنگی كاریگەرە، بەتایبەتیش كارەساتەكە دەریخست توێژێكی پەراوێزخراوی بێ ماف چۆن ژیانیان بەسەر بردوە.
ئاماژەی بۆ ئەوەشكردوە، سەنتەری میترۆ بەرێزەوە دەڕوانێتە كەمپین و هەوڵی رێكخراوە خێرخوازییەكان بۆ بەهاناوەچونی لێقەماوان.
سەنتەری میترۆ چاودێری كارەكانی كۆمسیۆنی فریاگوزاری و بوژانەوەی مرۆیی چەمچەماڵ دەكات، كە قوباد تاڵەبانی جێگری سەرۆكوەزیرانی هەرێمی كوردستان بۆ كۆنترۆڵكردنی قەیران و قەرەبوكردنەوەی دەستنیشانكردنی كەموكوڕییەكان و لێپرسینەوە لەكەمتەرخەمییەكان، پێكهێناوە، داوا لەرۆژنامەنوسان دەكەین وەك سەرچاوەی ڕەسمی هەمئاهەنگی لەگەڵ بكەن.
