شارپرێس:
مەحمود عەباس، سەرۆکی فەلەستین ڕایگەیاند، دەبێت حەماس چەک دابنێت و حوکمڕانی غەززە ڕادەست بکات.
عەباس لە نامەیەکدا بۆ ئیمانوێل ماکرۆن سەرۆکی فەڕەنسا پێش کۆنفرانسی نەتەوە یەکگرتووەکان سەبارەت بە چارەسەری دوو دەوڵەتی داوای لەحەماس کردووە، چەک دابنێت و حوکمڕانی غەززە ڕادەست بکات.
لە نامەیەکدا کە ئاراستەی ماکرۆن و محەمەد بن سەلمان شازادەی جێنشینی سعودیەی کردووە، عەباس ڕایگەیاندووە "ئامادەیە داوای بڵاوەپێکردنی هێزی عەرەبی و نێودەوڵەتی بکات لە چوارچێوەی ئەرکێکی سەقامگیری و پاراستن کە لەلایەن ئەنجومەنی ئاسایشەوە ڕاسپێردرێت".
هەروەها نووسیویەتی: ئەوەی حەماس لە ئۆکتۆبەری ٢٠٢٣ کرد، کوشتن و گرتنی خەڵکی سڤیل، جێگای قبوڵ نییە.
ئ.ه