شارپرێس:
لەسنوری قەزای چوارتا
ڕوبەڕوبونەوەی چەکداری لە نێوان هێزێکی پاسەوانی سنور و کۆمەڵێک قاچاخچی ڕویدا،
بەهۆیەوە چەند کەسێک لەهەردولا برینداربون.
بەگوێرەی ئەو زانیارییانەی دەست شارپرێس کەوتوە، دوانیوەڕۆی ئەمڕۆ لە قەزای چوارتای سەر بە پارێزگای سلێمانی، کۆمەڵێک قاچاخچی کەوتونەتە بۆسەی هێزەکانی پاسەوانی سنور و تەقەیان لەیەکتر کردوە.
زانیارییەکان باس لەوەشدەکەن، بەهۆی ئەو شەڕەوە چەند کەسێک لەهەردولا برینداربون و بریندارەکان ڕەوانەی نەخۆشخانە کراون و چارەسەری پزیشکییان بۆ دەکرێت.
محەمەد سەردار