شارپرێس:
بەهۆی بەفربارین و لەپێناو پاراستنی سەلامەتی  مامۆستایان و خوێندکارکاران، سەرۆکایەتیی زانکۆی سلێمانی بڕیاریدا تاقیکردنەوەی سبەینێی سەرجەم کۆلێژەکانی زانکۆکە دوابخرێت.

ئەنجومەنی زانکۆی سلێمانیی لەڕاگەیەنراوێکدا ئاماژەی بەوەکرد،" ئاگاداری مامۆستایان و خوێندکاران دەکەینەوە، کە لەپێناو پاراستنی سەلامەتیی گشتی و بەهۆی نالەباریی دۆخی کەشوهەوا و ئەگەری دروستبونی ئاستەنگی هاتوچۆ، بڕیاردرا بە دواخستنی تاقیکردنەوەی ڕۆژی شەممە لە تەواوی کۆلێژ و بەشەکانی زانکۆدا.

ئەوەشیخستەڕوو، هاوکات بۆ ئەم مەبەستە ڕاگرایەتیی کۆلێژەکان بە ڕاوێژ لەگەڵ سەرۆکی لیژنەی تاقیکردنەوەکان، ڕاسپێردراون بۆ ئەنجامدانی گۆڕانکاریی پێویست لە خشتەکان و دیاریکردنی کاتێکی گونجاو بۆ قەرەبووکردنەوەی تاقیکردنەوەکان.