شارپرێس:

تیمی مانگی سوری کوردی بانگەوازێکی بەپەلە ئاراستەی رێکخراوە مرۆییەکان و بەرهەم ساڵح، کۆمیسیاری باڵای نەتەوەیەکگرتوەکان بۆ کاروباری پەنابەران دەکات و دەڵێت، بەهۆی گەمارۆکانی چەکدارانی سەر بە دیمەشق شاری کۆبانێ بەدۆخێکی کارەساتبار تێدەپەڕێت.

تیمی مانگی سوری کوردی لەبانگەوازێکدا ئاماژەی بەوەدکرد،" ماوەی چەند رۆژێکە شاری کۆبانێ روبەڕوی هەڵمەتێکی سەربازی و گەمارۆیەکی وەحشیگەری لەلایەن گروپە چەکدارەکانی سەر بە دیمەشق بوەتەوە ".

ئەوەشیخستەڕوو، سەرباری ئەوی ئاگربەست راگەیەنراوە، بەڵام ئەو گروپانە بەردەوامن لە گەمارۆدانی شاری کۆبانێ و رێگرن لە هاتنەناوەوەی پێداویستییە سەرەکییەکانی ژیان.

تیمی مانگی سوری کوردی باسی لەوەشکرد،" ئەو گروپە چەکدارانە ئاو و سوتەمەنی و خۆراکیان لە خەڵکی شارەکە بڕیوە، بەهۆیەوە خەڵکێکی زۆر ئاوارە بونە، زۆربەشیان ناچارن لەناو ئۆتۆمبێلەکانیان بخەون، لە دوایین کاریشیاندا ئینتەرنێت و هۆیەکانی پەیوەندییان لە خەڵکی شارەکە بڕی ".

لەبانگەوازەکەدا ئەوەش هاتوە،" ئەو دۆخە کارەساتبارەی رودەدا، یادەوەری کۆن دەهێنێتەوە یادی خەڵکەکە، کاتێک لەلایەن تیرۆریستانی داعشەوە گەمارۆدران ".