شارپرێس:
دەزگای ئاسایشی هەرێم ڕایدەگەیەنێت، ئەمشەوی سێشەممە، کاتژمێر ١٠:٢٠ خولەک، بەهۆی هێرشی درۆنیەوە گردی ریعایە لەسلێمانی کەناسراوە بە گردی ( UN ) کرایە ئامانج.

دەزگای ئاسایشی هەرێم لەڕاگەیەنراوێکدا باسی لەوەکرد، دوای هێرشەکە دەستبەجێ تیمەکانی دەزگای ئاسایشی هەرێم گەیشتنە شوێنی ڕوداوەکە و لێکۆڵێنەوەکان دەستیپێکرد، لەئەنجامدا دەرکەوت کە هێرشی درۆنی بوە و هیچ زیانێکی مرۆیی نەبوە، لێکۆڵێنەوە لەڕوداوەکە بەردەوامە.

هاوکات، کامەران عوسمان، ئەندامی رێكخراوی ( CPT) ئەمریكی لەڕاگەیەنراوێکدا ئاماژەی بەوەکرد،" بەهۆی ڕووداوەکەوە پاسەوانێکی بارەگاکە برینداربوە و گواستراوەتەوە بۆ نەخۆشخانە ".