شارپرێس:

کۆمپانیای Realme دەستیکردووە بە بانگەشەکردنی مۆبایلە نوێیەکەی بەناوی Realme 15 Pro کە بە یەکێک لە دیارترین مۆبایلە ئەندرۆیدەکان دادەنرێت لەڕووی کارایی و وێنەگرتنەوە.
مۆبایلەکە  بەوە جیادەکرێتەوە کە توانایەکی وێنەگرتنی ناوازەی هەیە بەهۆی بوونی دوو کامێرای دواوە بە ڕوونی (50 + 50 مێگاپێکسڵ) و کامێرای پێشەوەی 50 مێگاپێکسڵ کە توانای وێنەگرتنی ڤیدیۆی 4K ی هەیە.
مۆبایلەکە بۆدییەکی بەرگەگری لە ئاو و تۆز بەپێی ستانداردی (IP68/IP69) و بەرگری لە شۆک (MIL-STD-810H) لەگەڵدایە، هەروەک ئەستوورییەکەی لە 7.7 ملم زیاتر نییە.
هەروەک  شاشەکەی لەجۆری OLED ی 6.8 ئینجە و ڕوونییەکەی (1080 x 2400) پێکسڵە و ڕێژەی نوێبوونەوەی 144 هێرتز و ڕووناکیەکەی دەگاتە 6500 cd/m2. مۆبایلەکە ئەندرۆید 15 و Realme UI 6.0 بەکاردەهێنێت.
هەرچی تایبەتمەندییە تەکنیکییەکانی ترە بریتییە لە بوونی پڕۆسێسەری Snapdragon 7 Gen 4 بە جی پی یوی Adreno 722 و ڕامی 8 یان 12 گێگابایت و بیرگەی 128 یان 256 گێگابایت کاردەکات.
مۆبایلەکە پاترییەکی بەهێزی هەیە کە  7000mAh لەخۆدەگرێت لەگەڵ پشتگیری شەحنکردنەوەی خێرا بە توانای 80W، لەگەڵ NFC و هەستەوەری پەنجەمۆر و دوو دەرچەی پەیوەندیکردن و USB Type-C.

ئاکۆ عەبدوڵڵا ئاڵی