شارپرێس:

میدیای ئیسرائیلی بڵاویکردوه‌تەوە، واشنتۆن‌و تەلئەبیب بیر لەجوڵەیەک دەکەنەوە دژی سەرکردەکانی حەماس لەدەرەوەی غەززە، دوای تۆمەتبارکردنی حەماس لەلایەن ئیسرائیل‌و ئەمریکاوە بەشکستپێهێنانی دوایین گەڕی دانوستانەکانی ئاگربەست لەغەززە.

کەناڵی 13ی ئیسرائیلی ڕایگەیاند، دوای وەستانی دانوستانەکان، بنیامین ناتانیاهۆو سەرۆکی دەزگا ئەمنییەکان، هەنگاوی جێگرەوەیان بۆ فشارخستنەسەر حەماس‌و گەیشتن بەئامانجەکانی جەنگ تاووتوێکردوە.

هەروەک دەڵێت، "لەنێو ئەم هەنگاوانەدا، داگیرکردنی ناوچەی نوێ لەغەززە، گەمارۆدان‌و فشاری ئەمریکا لەسەر سەرکردەکانی حەماس لەدەرەوە باسکراوە،  میسرو قەتەر دوپاتیانکردوه‌تەوە، هەوڵەکانیان بۆ نێوەندگیریی بەردەوامە بۆ گەیشتن بەڕێککەوتنێک. 

ئیسرائیل‌و ئەمریکا حەماسیان وەک بەربەستی سەرەکی ڕێککەوتنەکە تۆمەتبارکردوە.

ئەندامێکی تیمی دانوستانکاری ئیسرائیلی وتویەتی، حەماس ئامادەنییە بۆ هیچ سازشێک‌و ناکۆکییەکان بنەڕەتین لەسەر هەموو کێشەکان، سەرەڕای ئەمانەش، ئیسرائیل خوازیارە دەرفەتێکی دیكه‌ بەدانوستانەکان بدرێت.