شارپرێس:
مارکۆ ڕوبیۆ کاندیدی کۆمارییەکانی بۆ هەڵبژاردنی داهاتوی سەرۆکایەتی ئاشکراکرد، ده‌ڵێت:"جه‌ى دى ڤانس یه‌كێكه له‌كه‌سه پێشه‌نگه‌كان".
ڕوبیۆ لەچاوپێکەوتنێکدا لەگەڵ کەناڵی فۆکس نیوز ڕایگەیاند، "پێموایە جەی دی ڤانس کاندیدی کۆمارییەکان بێت، بۆ هەڵبژاردنی سەرۆکایەتیی داهاتوو".
مارکۆ ڕوبیۆ وەزیری دەرەوەی ئەمریکا ڕایگەیاند، "جەی دی ڤانس، یەکێکە لەکەسە پێشەنگەکان کە پێموایە کۆمارییەکان کاندیدی بکەن، بۆ پۆستی سەرۆکایەتی ساڵی 2028، بەجۆرێک 46%ی دەنگدەرانی کۆمارییەکان پشتگیریی لێدەکەن".
پێشتر لەچاوپێکەوتنێکیدا لەگەڵ کەناڵی NBC دۆناڵد ترەمپ سەرۆکی ئەمریکا پێشنیازیکرد، ڤانس جێگری سەرۆکی ئەمریکا کاندید بکرێت‌و بەگەنجێکی درەوشاوە وەسفیکرد.
ترەمپ ڕاشیگەیاند، "نایەوێت دەستوەردان لەپرۆسەی هەڵبژاردنی داهاتودا بکات".
ڕۆژی 5ی 11ی 2024، هەڵبژاردنی سەرۆکایەتی ئەمریکا بەڕێوەچوو، تێیدا دۆناڵد ترەمپ، كاندیدى کۆمارییەکان لەکامالا هاریس كاندیدى دیموکراتەکانى بردەوە، بۆ دوەم خول کورسیی سەرۆکایەتی بەدەستهێنا.
هەروەها بڕیارە ساڵی 2028، هەڵبژاردنی سەرۆکایەتی ئەمریکا بەڕێوەبچێت، بەڵام تائێستا نه کۆمارییەکان‌و نه دیموکراتەکانیش، كاندیدى خۆیان ڕانەگەیاندوە.
