شارپرێس:
ناوچەکە بەدەست تەنگژەو ئاڵۆزییە ئەمنییەکانەوە دەناڵێنێتو هەناردەکردنی نەوتی عێراق لەڕێگەی کەنداوو گەروی هورمزەوە ڕوبەڕوی مەترسی بوەتەوە، وەزارەتی نەوتی عێراقیش لەبەیاننامەیەکی زۆر تونددا، پەردە لەسەر کێشە قووڵو چارەسەرنەکراوەکانی نێوان بەغداو هەولێر ههڵدهداتهوه، دهشڵێت، "ههولێر ڕێگه نادات ههناردهى نهوت دهستپێبكاتهوه".
وەزارەتی نەوتى عێراق لهو ڕاگهیهنراوهیدا نوسیویهتى، "هەموو ئامادەکارییەکى تەکنیکیمان کرد بۆ دەستپێکردنەوەی هەناردەی نەوت لەڕێگەی بەندەری جەیهانی تورکییەوە، بهگوێرهى پلانەکە، بەغدا ئامادەبوو ڕۆژانە 300 هەزار بەرمیل نەوتی کەرکوکو 200 هەزار بەرمیل نەوتی کێڵگەکانی هەرێم ڕەوانەی دەرەوە بکات، بەڵام دیوارێکی نوێ لەبەردەم ئەم پڕۆسەیەدا دروستبوە".
ڕاگەیەندراوەکەى وهزارهتى نهوتى عێراق دهڵێت، "وەزارەتی سامانە سروشتییەکانی هەرێم مەرجی نوێی داناوە کە هیچ پەیوەندییەکی بەپرۆسەی نەوتەوە نییەو ڕەتیکردوەتەوە هەناردەکردن دەستپێبکاتەوە".
ئەو گرژییە نوێیەی نێوان بەغداو هەولێر لەکاتێکی هەستیاردایە؛ وەزارەتی نەوت هۆشداریدەدات کە پەکخستنی هەناردەی نەوتی باکور لەمکاتەدا، تەنها زیان بەهەرێم ناگەیەنێت، بەڵکو زیانێکی گەورەی ئابورییە بۆ تەواوی عێراق، بەتایبەت لەکاتێکدا هەناردەی باشور لەژێر هەڕەشەی جەنگو داخستنی گەروی هورمزدایە.
وەزارەتی نەوت لەکۆتایی ڕاگهیهنراوهكهیدا، داوایەکی بەپەلە ئاراستەی هەرێمی کوردستان دەکاتو جهختیكردوهتهوه، "بەرژەوەندی باڵای نیشتمانیو دەستور بخەنە پێش هەموو مەرجێکو ڕێگەبدەن نەوت بڕوات".
شارهزایانى ئابوریش پێیانوایه، ئەمە تەنها داواکارییەکی ئابوری نییە، بەڵکو فشارێکی سیاسییە بۆ سەر حکومەتی هەرێم تا لەم قەیرانە ناوچەییەدا نەبێتە هۆکاری کەمبونەوەی داهاتەکانی عێراق.
لهئێستادا چاوهكان لهسهر ههرێمن، ئاخۆ هەرێم وەڵامی ئەو داواكاریىو فشارەی بەغدا دەداتەوە؟ یان مەرجە سیاسییو داراییەکانی هەولێر دەبنە ڕێگر لەبەردەم تێپەڕبونی نەوت بەخاکی تورکیادا؟ بۆ ئهوهش شارەزایان پێیانوایە، ئەگەر ئەم گرێکوێرەیە نەکرێتەوە، عێراق یەکێک لەگرنگترین کارتە جێگرەوەکانی خۆی لەدەستدەدات بۆ ڕوبەڕوبونەوەی قەیرانی وزە لەناوچەکەدا ئهویش بۆرى نهوتیى ههرێمى كوردستانه.
