شارپرێس- كەنداڵ جودی
هەشتەمین پێشانگای كتێبی شەهید هێرێكۆل لە شاری قامیشلۆی ڕۆژئاوای كوردستان بە بەشداری 54 دەزگای چاپ و بڵاوكردنەوە و ئەدەبی دەستی پێكرد.
پێشانگای كتێب لەلایەن دەستەی ڕۆشنبیری ئیدارەی خۆسەری باكور و ڕۆژهەڵاتی سوریا و دەستەی ڕۆشنبیری كانتۆنی جزیرەوە ڕێكدەخرێت.
لە پێشانگاكەدا زیاتر لە 143 هەزار كتێب بە زمانەكانی كوردی (كورمانجی، سۆرانی)، عەرەبی، توركی، ئینگلیزی، ڕووسی، فەرەنسی، سریانی، ئەرمەنی و ئەڵمانی خراونەتەڕوو.
ئەمساڵ لە سەدا ٤٥ی ئەو كتێبانەی پێشكەش دەكرێن بە زمانی كوردین.
لەلایەكی دیكەوە 54 دەزگای چاپ و كتێبخانە و ناوەند و دەزگای ئەدەبی ناوخۆیی، كوردی، سوریا و لوبنان، عێراق، بەلجیكا، بەریتانیا، میسر، كوەیت و ئیمارات بەشدارییان لە پێشانگاكەدا كرد و تا 22ی ئۆكتۆبەر بەردەوام دەبێت.
جگە لە پێشكەشكردنی كتێب، سیمیناری زانستی و ئێوارەی هونەریش بەڕێوەدەچێت.