شارپرێس:

وەزرارەتی دەرەوەی روسیا هەڕەشەکانی ترەمپ بۆ هێرشکردنەسەر ئێران رەتدەکاتەوە و دەڵێت،" قبوڵی ناکەین ".

وەزارەتی دەرەوەی روسیا لەراگەیەنراوێکدا ئاماژەی بەوەکرد،" بەتوندی هەر دەستوەردانێکی دەرەکی تێکدەرانە لە پرۆسەی سیاسی لە ئێران سەرکۆنە دەکەین و لێکەوتەی لەسەر سەقامگیری ناوچەکە دەبێت ".

ئەوەشیخستەڕوو، هەڕەشەکانی واشنتۆن بۆ هێرشکردنەسەر ئێران بەهیچ جۆرێک قبوڵکراو نییە و پێچەوانەی یاسا نێودەوڵەتییەکانە.

ئەمەش لەکاتێکدایە، کەمێک لەمەوبەر دۆناڵد ترەمپ، سەرۆكی ئەمریكا داوای لەخەڵكی ئێران و خۆپیشاندەران کرد دامەزراوەكانی ئەو وڵاتە كۆنتڕۆڵ بكەن و وتی،" هاوكارییەكانمان بەڕێگەوەن بۆ خۆپیشاندەران ".