پسپۆڕانی بواری خۆراک ئاماژە بەوە دەکەن کە هەندێک ئەو خۆراکانەی کە وا بیردەکرێنەوە تەندروستن، ڕەنگە ببنە هۆی زیانگەیاندن بە کۆئەندامی هەرس بەتایبەتی ڕیخۆڵەکان.
دیارترینی ئەم خۆراکانە بریتین لە:
1. گرانۆلا : هەرچەندە بە تەندروست دادەنرێت، بەڵام زۆربەیان شەکری شاراوە و دانەوێڵەی پاڵاوتەیان تێدایە، ئەم پێکهاتانە دەبنە هۆی هەوکردنی ڕیخۆڵەکان و زیادکردنی کێش، باشتر وایە ئەو جۆرانە هەڵبژێریت کە شەکری زیادکراویان کەم و ڕیشاڵیان زۆرە.
2. شەربەتی میوە: هەرچەندە بژاردەیەکی سروشتییە، بەڵام شەربەتی میوە شەکرە شلەکان و ڕیشاڵی کەمی تێدایە، ئەمەش دەبێتە هۆی بەرزبوونەوەی خێرای ئاستی شەکر لە خوێندا و یارمەتیی کەڵەکەبوونی چەوری دەدات. باشتر وایە میوەی تەواو بخورێت بۆ بەدەستهێنانی ڕیشاڵ و ڕێکخستنی هەرسکردن.
3. خۆراکی کەمچەوریی: زۆرجار ئەم خۆراکانە بڕێکی زیادەی شەکر و کاربۆهیدراتی پاڵاوتەیان تێدایە بۆ قەرەبووکردنەوەی کەمی چەوری. ئەم شەکرانە دەتوانن بەکتریاکانی ڕیخۆڵە تێک بدەن و ئارەزووی خواردن زیاد بکەن. باشتر وایە خواردنی تەواو و چەوری تەندرووست هەڵبژێریت، وەک ئەڤۆگادۆ و گوێز.
4. نانی سپی: پرۆسەی پرۆسێسکردن کە نانی سپی پێیدا تێدەپەڕێت ڕیشاڵ و ماددە خۆراکییەکان لادەبات، ئەمەش دەبێتە هۆی زیادبوونی ئاستی شەکری خوێن و ناهاوسەنگیی لە بەکتریاکانی ڕیخۆڵەدا. باشتر وایە نانی تەواو یان ڕواوە هەڵبژێریت بۆ سوودی خۆراکی باشتر.
بە کورتیی خواردنی ئەو خۆراکە تەواوانەی کە دەوڵەمەندن بە ڕیشاڵ و چەوریی تەندرووست دەتوانێت یارمەتیدەر بێت بۆ پشتگیریکردنی تەندرسوستیی ڕیخۆڵە و پاراستنی کێشێکی جێگیر.
و: ئاکۆ ئاڵی
