بافڵ تاڵەبانی، سەرۆکی یەکێتیی نیشتمانیی کوردستان لە میانەی پێشوازیی لە ستیڤن هیچن، باڵیۆزی بەریتانیا لە عیراق ڕایگەیاند، هەرێمی کوردستان پێویستی بە حوکمڕانییەکی دادپەروەر و خزمەتگوزارە.
بەپێی ڕاگەیەندراوێک، لەدیدارێکدا دوایین گۆڕانکارییە سیاسییەکان، پرسی هەڵبژاردن و هێنانەکایەی حوکمڕانییەکی تەندروست کە وەڵامدەرەوەی خواستی هاوڵاتییان و پارێزەری مافەکانیان بێت، گفتوگۆیان لەبارەوەکرا.
بافڵ تاڵەبانی ئاماژەی بە گرنگیی پرۆسەی هەڵبژاردن لەبەرەوپێشچوونی هەرێمی کوردستان و رەوتی دیموکراسی لەناوچەکە کرد.
راشیگەیاند، هەرێمی کوردستان پێویستی بە حوکمڕانییەکی دادپەروەر و خزمەتگوزارە، هەوڵەکانی لەپێناو باشترکردنی ژیانی خەڵک و بونیادنانی داهاتوویەکی سەقامگیردا بێت.