شارپرێس:

وەزارەتی بەرگری روسیا روبەڕوبونەوەی چەند هێرشێکی درۆنی فراوانی هێزەکانی ئۆکرانیای راگەیاند.

وەزارەتی بەرگری روسیا لەڕاگەیەنراوێکدا دەڵێت،" لەکاتژمێر 8:00ى بەیانی ئەمڕۆ سێشەممەوە تاکو کاتژمێر 8:00ی شەو سیستمی بەرگری ئاسمانی روسیا توانیویەتی شەش درۆنی ئۆکرانی بخاتەخوارەوە".

ئەوەشیخستەڕوو، درۆنەکان لەناوچەکانی بیلگۆرۆد، نیمچە دروگەی قرم و دەریای ئازۆڤ خراونەتە خوارەوە.

پێشتر، روسیا هەڕەشەی ئەنجامدانی هێرشێکی قورسی بۆ سەر شاری کێیڤی پایتەختی ئۆکرانیا دەکرد و داوای لە نێردە دیپلۆماسییەکان و بیانییەکان کرد دەستبەجێ ئەو شارە جێبهێڵن.