لەروونکردنەوەیەکدا لیژنەی ئەمنی ئیدارەی گەرمیان لەبارەی گرژییەکانی سنوری کەلار دەڵێت، دوێنێ لە ناحیەی رزگاری لە سنوری قەزای کەلار، بەهۆی دروستبوونی پشێوی و گرژی و ئاڵۆزی هاوڵاتیەک بریندار بوو.
لیژنەی ئەمنی ئیدارەی گەرمیان ڕایگەیاند، لە ئەنجامی پاراستنی ئارامی و ئاسایشی ناوچەکە، دوای بەدواداچوون و لێکۆڵینەوە توانرا چەند تۆمەتبارێک لەسەر ڕووداوەکە دەستگیربکرێن و ڕووبەڕووبەری یاسا بکرێنەوە، دواتر بە کەفالەت ئازاد کراون.
دەشڵێت، جەختدەکەینەوە ڕێگە بەهیچ کەسێک نادرێت لەژێر هەر پاساوێکدا، ببێتە هۆکاری تێکدانی ئارامی و ئاسایشی سنورەکە.
لیژنەی ئەمنی ئیدارەی گەرمیان دڵنیایی دەداتە هاوڵاتیان، کە بەردەوام دەبن لە پاراستنی سەر و ماڵی هاوڵاتیان لەپێناو ئارامی زیاتر لەچوارچێوەی جێبەجێکردنی یاسا بەرکارەکاندا.