سەروەر عەبدولڕەحمان، سەرۆكی دامەزراوەی پەی بۆ پەروەردە و گەشەپێدان دەڵێت:"بەگوێرەی ئەو لیستەی لایەنە سیاسییەکان رادەستی کۆمیسیۆنی باڵای سەربەخۆی هەڵبژاردنەکانی عێراقیان کردووە، نزیکەی(50٪)ی پەرلەمانی کوردستان بڕوانامەیان نییە و نوسیویانە تەنیا دەزانن بخوێنەوە و بنوسن".
سەروەر عەبدولڕەحمان، سەرۆكی دامەزراوەی پەی بۆ پەروەردە و گەشەپێدان ڕایگەیاند، "رۆڵی پەرلەمان لە ئەركەوە بۆ ئیمتیاز گۆڕدراوە، هەر ئەوەش وایکردووە كوالیتیی پەرلەمانی کوردستانی ساڵ بە ساڵ بەرەو دابەزین بچێت".
سەرۆكی دامەزراوەی پەی بۆ پەروەردە و گەشەپێدان وتیشی "ئەوانەی بەڵێنی گەڕانەوەی مووچە فەوتاوەكانی فەرمانبەرانیان دا، کاتێک چوونە پەرلەمان و بوون بە پەرلەمانتار، نەك مووچە فەوتاوەكانیان نەگەڕاندەوە، بەڵكو خۆیان هەشت مانگ بە نایاسایی مووچەیان وەرگرت".