بنیامین ناتانیاهۆ، سەرۆكوەزیرانی ئیسرائیل، ئەمڕۆ یەكشەممە ڕایگەیاند، ئیسرائیل لە ڕێگەی ئۆپەراسیۆنە سەربازییەكانی ئەم دواییەوە سەركەوتو بووە لە گۆڕینی ڕوخساری ڕۆژهەڵاتی ناوەڕاست، جەختیشی لەوە كردەوە كە وڵاتەكەی پلانە هاوبەشەكانی حیزبوڵا و حەماسی پووچەڵ كردووەتەوە.
ناتانیاهۆ ئاماژەی بەوەدا كە ئیسرائیل ڕێڕەوی فیلادلفیای كۆنترۆڵكردووە، كە یارمەتیدەر بووە بۆ گەمارۆدانی كەرتی غەززە و ڕێگریكردن لە قاچاخچێتی چەك. جەختیشی لەوە كردەوە كە "رێگە نادەین دەوڵەتی ئیسرائیل شكست بهێنێت".
هەروەها ڕەتكردنەوەی داواكارییەكی جۆ بایدن سەرۆكی پێشووی ئەمریكای بۆ سنوورداركردنی ئۆپەراسیۆنەكانی دژی غەززە ئاشكرا كرد و وتی، ئیسرائیل "دەوڵەتێكی ژێردەستەیی نییە".
سەبارەت بە بەرەی باكور، نەتانیاهۆ ڕوونیكردەوە، ئیسرائیل شەڕەكەی گواستەوە بۆ لوبنان دوای ئەوەی حزبوڵڵا چووەتە ناو شەڕەوە، هەروەها "ئۆپەراسیۆنی پەیجەر"ی ئەنجامدا، كە حزبوڵای تووشی شۆك كرد و لە ئەنجامدا ژمارەیەك لە سەركردە باڵاكانی لەناوبرد، بەبێ ئەوەی پێشوەختە ئیدارەی ئەمریكا لە ئۆپەراسیۆنەكە ئاگادار بكاتەوە.
هەروەها لەبارەی ئێرانەوە رایگەیاندووە كە بەشتێك كەمتر لە رێگری تەواو لەبەرنامەی ئەتۆمی ئێران رازی نابن.
