لەگەڵ ئەوەی چا خواردنەوەیەکی تەندرووست و بەسوودە، بەڵام هەندێک هەڵەی باو هەیە کە دەتوانن زیانی تەندرووستیی لێبکەوێتەوە، پسپۆڕانیش ئاماژە بە پێنج هەڵەی سەرەکیی دەکەن کە پێویستە خۆمانی لێ بەدوور بگرین بۆئەوەی لەژەهراوی بوونی پارێزراو بین، ئەوانیش:

 زۆر تۆخ کردنی چا: چای زۆر تۆخ کافایینی زۆری تێدایە، کە دەبێتە هۆی چالاکبوونی زیادەی کۆئەندامی دەمار و تانینەکانیشی دەبنە هۆی تێکچوونی گەدە و قەبزبوون. هەروەک میزپێکەرێکی بەهێزە، بۆیە باشترە زۆر نەخورێتەوە.

چای کۆن بوو: چای کۆن زۆربەی سوودە تەندروستییەکانی لەدەست دەدات و زەمینە خۆش دەکات بۆ گەشەی میکرۆبی زیانبەخش، باشترە هەمیشە چای تازە ئامادە بکرێت.

خواردنەوەی چای زۆر گەرم: خواردنەوەی چای زۆر گەرم دەبێتە هۆی هەوکردنی ناوپۆشی قوڕگ و سورێنچک و گەدە، کە ئەگەری تووشبوون بە نەخۆشیی و شێرپەنجە زیاد دەکات.

چا خواردنەوە لەسەر گەدەی خاڵی: خواردنەوەی چای بە گەدەی خاڵی دەتوانێت حەزی خواردن کەم بکاتەوە و ژەمە بەیانیان فەرامۆش بکرێت، کە زیانبەخشە، بۆیە  باشترە نیو کاتژمێر دوای نان خواردن بێت.

چا خواردنەوە راستوخۆ دوای نانخواردن: هەندێک پێکهاتەی چا رێگری لە مژینی پرۆتین، ئاسن و ماددە خۆراکییە گرنگەکان دەکەن، بۆیە، پێویستە نیو کاتژمێر دوای ژەمەکان چا بخورێتەوە.

ئاکۆ عەبدوڵڵا ئاڵی